 Maldiv respublikasining eng yirik shahri va poytaxti — Male shahri hisoblanadi. Bu orol-shahar bo‘lib, tinch okeani havzasida joylashgan. Male dunyodagi eng chiroyli shaharlardan biri bo‘lib, u yerga har yili millionlab sayyohlar tashrif buyuradi.
Male orol-shahrining umumiy uzunligi atigi 2 kilometr va kengligi 1 kilometrni tashkil etadi. Shaharda eng zamonaviy binolar, mehmonxona va restoranlar bilan birga, qadimiy masjid va obidalar ham ko‘p.
Shahar aholisi 100 000 dan ortiq kishini tashkil qilib, ular asosan xizmat ko‘rsatish, savdo va tadbirkorlik faoliyati bilan band. Maleda juda ko‘plab mayda magazinlar bo‘lib, ular shahar aholisi va sayyohlarga tunu-kun xizmat ko‘rsatadilar.
Shahar tabiati o‘ziga hos bo‘lib, ertalab jazirama issiq bo‘lsa, tushga borib sharros yomg‘ir yog‘shi mumkin.
Mamlakatda moliya-bank tizimi juda rivojlangan. Jumladan, Male shahrida The Bank of Maldives, HSBC bank, State Bank of India, Bank of Ceylon va Habib Bank singari yirik moliya muassasalarining vakolatxonalari mavjud.
Male shahrining g‘aroyibotlaridan yana biri bu — dengiz tubidagi restoran hisoblanadi.
Umuman olganda Male shahrini dunyo ummoni o‘rtasida joylashgan javohirga qiyoslashimiz mumkin.
|
