| Реклама |  |
| Статистика |
Онлайн всего: 2 Гостей: 2 Пользователей: 0 |
|
 | |  |
| Главная » 2012 » Ноябрь » 22 » Халқаро Рим кинофестивали ғолиблари аниқланди
08:55 Халқаро Рим кинофестивали ғолиблари аниқланди |
Бош мукофот "Марфалик қиз" картинасига насиб этди.
Саккиз кун давом этган Рим халқаро кинофестивали ўз ниҳоясига етди. Фестиваль давомида нуфузли ҳайъат аъзолари 15 та фильм орасидан энг яхшиларини танлаб олишди.
Фестивалнинг бош мукофоти "Марфалик қиз" фильми учун америкалик кинорежиссёр Ларри Кларкка топширилди. Мукофот сифатида режиссёрга "Олтин МаркАврелий"нинг ҳайкалчаси тақдим этилди.
Фестиваль ҳакамлар ҳайъатига АҚШлик режиссёр Жефф Николс раҳбарлик қилди. Ҳайъат етти нафар режиссёр, актёр ва кинотанқидчилардан иборат бўлди.
Фестиваль натижасига кўра энг яхши актёр, деб франциялик Жереми Элькайм тан олинди, энг яхши актриса номига италиялик Изабелла Феррари сазовор бўлди. Энг яхши режиссёрлик иши учун мукофот италиялик Паоло Франкига, ҳайъатнинг махсус мукофоти эса режиссёр Клаудио Жованнезига насиб этди. Шу тариқа еттинчи бор ўтказилган Рим кинофестивалининг барча ғолиблари номи маълум бўлди.
|
|
Раздел: Шоу-бизнес |
Просмотры: 1067 |
Добавил: Administrator
| Рейтинг: 0.0/0 |
| |
|
| Интересные факты | | Бубонная чума XIV века уничтожила более 30% населения Италии. |
|
