Qozog‘istonda yangi "Qozoqvud” loyihasi Gollivudning mahalliy ko‘rinishi
sifatida ishga tushiriladi. Tengrinews saytining xabar berishicha, bu
haqida rejissor va prodyuser Bahit Aupbayev bayonot bergan.
Aupbayevning e’lon qilishicha, Qozoqvudni tashkil etishdan asosiy
maqsad Qozog‘iston mahsulotlarini horijga bitta brend ostida sotishdir.
Mahsulotlar orasida nafaqat kinofilmlar, balki musiqa va teatr sahna
ko‘rinishlarini taqdim etish ham ko‘zda tutilgan.
Xabar berilishicha, loyiha doirasida prodyuserlik kompaniyasini yaratish rejalashtirilmoqda.
"Vikipediya”dagi Qozoqvud haqidagi maqolada u Hindistonning Bollivud
va Nigeriyadagi Nollivud brendlarining ko‘rinishi ekanligi haqida so‘z
borgan.
Bu g‘oya rasmiy tarzda tasdiqdan o‘tgani haqida hali aniq ma’lumot yo‘q. Manba: www.daryo.uz
| 
