Қувайт чемпионати доирасида "Ал-Насар” ва "Ал-Араби” клублари ўртасида кечган ўйинда ҳакам Саад ал Фадли "Ал-Насар” жамоасининг дарвозасига пенальти тайинлаши жанжалга айланиб кетди.

Бу клуб футболчиларининг норозилигини келтириб чиқарди. Улар ҳакамни ўраб олиб, турта бошлади. Ўз навбатида, ал Фадли ҳам бокс услубини кўрсатиб, ўйинчилардан бирини нокдаунга жўнатди.    

Ён ҳакамлар ўйинчиларни бош ҳакамдан ажратиб олишга муваффақ бўлди, бироқ у ҳамкасбларининг орқасида туриб ҳам футболчиларга тепки ва қизил карточка беришда давом этган.

Кейин судья майдон четига чиққади ва негадир захирадаги футболчилар ўтирадиган скамейкадан шайхни чиқариб юборади.

"Ал-Насар" футболчилари тинчланганидан кейин уларнинг рақиблари пенальтини амалга оширади. Учрашув 4:1 ҳисоб билан "Ал-Араби" жамоаси фойдасига якунланади.

Manba: Даракчи