 Бундан бир неча кун аввал таниқли хонанда Шакиранинг ўғил фарзандни дунёга келтиргани ҳақида хабар бергандик. Бу ҳақда унинг бўлажак турмуш ўртоғи (балки умуман тўй бўлмас) Испаниянинг "Барселона" футбол жамоаси ҳимоячиси Жерар Пике ўзининг твиттердаги саҳифасида эълон қилганди.
Куни кеча Пикенинг ўзи ушбу хушхабарни ёлғон эканлигини яна ўша интернетда хабар қилди. Унинг ёзишича, 28 декабрда Испанияда нишонланган "Соддалик куни" муносабати билан у шундай хазил қилган экан. Маълумки, Испания ва қатор лотин Америкаси давлатларида биздаги 1 апрель-мутойиба куни сингари "Соддалик куни" нишонланади. Шу куни одамлар турли ёлғон гапларни гапириб, бир-бирларининг соддаликлари устидан кулишади. Пике ана шундан фойдаланиб, бутун дунёни айниқса ОАВ ларини ўз ноғорасига ўйната олди. Чунки Шакиранинг она бўлгани ҳақидаги хабар ўша куннинг ўзидаёқ жҳонга тарқалди. Афтидан Шакиранинг ўзи ҳам Пикенинг ҳазилини чиппакка чиқармаслик учун ушбу хабарни изоҳсиз қолдирган кўринади. Лекин мана 3 кун ўтиб, ошиқ-маъшуқлар бу хабар ёлғон эканини ўзлари айтиб туришибди. Ким билади, туғилмаган бола ҳақида бундай ҳазил қилиш тўғримикиин! Майли, нима бўлган тақдирда ҳам Шакирага эсон-омон қутилиб олишини тилаймиз, Пикега эса ҳаётдан кўра, футбол майдонида кўпроқ алдашни ўрганишини масалаҳат берар эдик.
Маълумотларга кўра, Шакира 2013 йилнинг бошларида она бўлар экан. Ана ўшанда Пике минг жар солмасин, энди кўпчилик то амин бўлмагунича бу хабарга ишонмайди. Худди Афандининг уйига ўт тушганида биронта қўшни ишонмай, ёрдамга чиқмагани каби...
|
