2050 йилга келиб йўқолиши мумкин бўлган Ердаги энг гўзал жойлар (фотосуратлар)

Сайёрамиздаги баъзи бир жойларни бориб кўришга улгуриш ҳақида ўйлайдиган пайт келди. Улар яқин келажакда йўқолиб кетиши мумкин.

1. Науру

Науру – бу дунёдаги энг кичкина мамлакат бўлиб, майдони бор-йўғи 8 миль квадратни (12,5 км кв) ташкил этади. Аҳолисининг сони – 10 минг киши.

Оролни маржон қоялар ўраб турибди. Науру оролининг атроф-муҳити охирги ўн йил ичида фосфатлар ва фойдали қазилмаларни қазиб олишдан жиддий зарар кўрди.

2. Килиманжаро тоғи

Тез орада Танзанияда жойлашган Африкадаги энг йирик тоғлар ер юзасидан йўқолиб кетиши мумкин. Улардаги музликлар ўрмонларни аёвсиз кесиш ва глобал исиш натижасида эриб кетмоқда. Охирги 100 йил ичида Килиманжарони қоплаб турган музликлар 80% га камайган ва ҳозир ҳам бу жараён давом этмоқда.

3. Кирибати

Кирибати Республикаси 32 та атолл ва битта қўтарилган маржон оролдан иборат давлат ҳисобланади. Унинг майдони 1 351 000 мил квадратдан (3 500 000 км кв) ошади.

4. Маршалл ороллари

Маршалл ороллари Тинч океаннинг шимолий қисмидаги 1000 дан зиёд атолл, ороллар ва кичкина оролчалардан иборат. 2008 йили тўлқинлар ва сув кўтарилишлари натижасида пойтахт Мажерода сув тошқинлари содир бўлган.

5. Венеция

Венеция анчадан буён сувга ғарқ бўлмоқда. Охирги кучли сув тошқини 2008 йилда содир бўлиб, ўшанда шаҳарнинг 60% сув остида қолганди. Ҳозир дунё олимлари ушбу сувда жойлашган қадимий ва тарихий шаҳарни қутқариши мумкин бўлган техник иншоотларни ишлаб чиқишга уринмоқда.

6. Кусаие (Косраэ)

Кусаие, Микронезия Федератив Штатлари, оролни вайрон қилаётган қирғоқ эрозиясига учраган.

7. Шимолий қутб

Олимлар ҳар йили муз қатлами даражасининг пасайишини қайд этишмоқда. Уларнинг сўзларига кўра, яна бир неча йилдан сўнг ёз ойларида иқлим ўзгаришлари сабабли Шимолий қутб музлардан тўлиқ озод бўлади.

8. Килинаилау ороллари

Килинаилау ороллари (Тулун ёки Картерет атолли) Папуа-Янги Гвинеядан шимоли-шарқда жойлашган. Орол Жаҳон океанининг сатҳи кўтарилиши, эрозия, штормлар оқибатида ҳаётсиз маконга айланмоқда. Маҳаллий аҳоли аста-секин қўшни Бугенвиль оролига кўчиришяпти.

9. Соломон ороллари

Соломон ороллари қарийб 1000 та кичкина оролчалардан иборат. Денгиз сатҳининг кўтарилиши, кучли шамолли циклонлар ва сув тошқинлари оқибатида қирғоқ линияси эрозиядан зарар кўрмоқда.