 AQShning Denver shahridagi (Kolorado shtati) "Kertis”mehmonxonasi mijozlarga o‘zining noodatiy xizmatlarini taklif etadi. 50 ming dollar to‘lab, tunni yerdan 6,7 metr balandlikdagi shishirilgan xonada o‘tkazish mumkin. Bu haqda Day.az xabar qiladi.
Mazkur loyiha amerika-britaniyalik arxitektor Aleks Shveder tomonidan ishlab chiqildi. U shahardagi bir necha parkovkalar joyiga mehmonxona qurish rejalashtirilayotganini bilgach, odamlarga atrofning qanday o‘zgarishini ko‘rsatish maqsadida "mehmonxona repetitsiyasi”ni yaratishga qaror qildi. Umumiy hajmi 2,1 metrga 1,5 metrni tashkil qiluvchi xonada pufaksimon yotoq va divan, shuningdek, biotualet, rakovina va dush mavjud.
Shaffof tomli xona havoda katta bo‘lmagan yuk mashinasi ustiga o‘rnatilgan maxsus ko‘tarma yordamida ko‘tarilib turadi. Avvaliga Shveder uni qurilish kraniga o‘rnatishni niyat qilgandi, ammo xavfsizlikni ta’minlash maqsadida bu g‘oyadan voz kechdi. Shishirilga xona 200 kggacha bo‘lgan yukni ko‘tara oladi. Uning ichida chekish va spirtli ichimliklarni ichish taqiqlanadi.
Shuni ham ta’kidlab o‘tish joizki, xonaning arzon bo‘lmagan narxiga yana ko‘plab qo‘shimcha xizmatlar kiritilgan. Mehmonlarga sovg‘a sifatida brilliant zirak va taqinchoq, 2 ta iPod Nano moslamasi va "Kertis” tantanalar zalida 100 kishilik raqs kechasini tashkil etish imkoni taqdim etiladi.
|
