АҚШда қидирилаётан энг ҳавфли жиноятчидан бири қўлга олинди

АҚШ хукумати томонидан "ўн нафар энг кўп қидирилаётган жиноятчилар” рўйҳатига кирувчи жиноятчи, собиқ мактаб ўқитувчиси Эрик Тот қўлга олинди.

Болалар порнографиясини ишлаб чиқаришда ва сақлашда айбланаётган Эрик Гондурас чегарасини кесиб ўтмоқчи бўлганда Никарагуа полицияси томонидан ушланган.

Вашингтонлик собиқ ўқитувчи 31 ёшли Эрик Тот Америка хукумати томонидан 2008 йилда унинг фотоаппаратидан болалар порнографиясига оид тасвирлар топилгач ҳибсга олинган эди. Ҳибсга олингандан кўп ўтмай Тот гаровга қўйиб юборилган ва шундан сўнг изсиз йўқолган.Тотни қўлга олишда ёрдам берганга ФҚБ 100 минг доллар мукофот ваъда қилган. Душанба куни Никарагуа миллий полицияси бош инспектори Гленда Заваланинг маълумот беришича, қочоқ ўтган дам олиш кунлари халқаро ордер билан қўлга олинган.

Эрик Тот 2012 йилнинг апрел ойидан бери АҚШнинг "энг қидирилаётган жиноятчилар” рўйҳатида туради. ФҚБ уни "Ал-Қоида” халқаро террорчилик тизимнинг собиқ раҳбари Усама бен Ладен билан йўқ қилингач ушбу рўйхатга киритган.
"Энг қидирилаётган ўн нафар жиноятчилар” рўйҳати 1950 йилда ФҚБ томонидан тузилган. Ушбу рўйҳатдан биринчилардан бўлиб хотини ва икки нафар қайнисини ўлдирган Томас Холден жой олган эди. Бир йил ўтгач эса у қўлга олинган. Шу кунгача ФҚБ рўйҳатига кирган ва қочқинда юрган 494 нафар жиноятчининг 464 нафари қўлга олинган.