Энг йирик ижтимоий тармоқлардан бири бўлган Facebook асосчиси Марк Цукерберг 500 миллион доллар миқдоридаги маблағни ҳайрия ишларига сарфлади, дея хабар беради "USA Today" нашри.
Нашр маълумотларига кўра, Цукерберг унга тегишли 18 миллион долларлик акцияларни "Silicon Valley Community Foundation" нотижорат ташкилотига ўтказиб берган. Мазкур ташкилот соғлиқни сақлаш ва таълим соҳасидаги ҳайрия лойиҳаларни амалга оширади. Цукерберг бу ҳақда фикр билдирар экан ушбу янги лойиҳа ўзининг ижобий самараларини келтиришига ишонч билдирди.
Facebook тармоғи 2004 йилда Цукерберг томонидан дастлаб Гарвард университети талабаларининг он-лайн мулоқотлари учун яратилган. Саккиз йил ўтгач, Facebook фойдаланувчилари сони 900 миллион кишидан ошиб кетди, улардан 488 миллион кши тармоқнинг мобил хизматидан фойдаланади. Кунора сайт фойдаланувчилари 300 миллиондан ортиқ суратлар юклашади ва 3,2 миллиард фикрлар билдиришади.
|
