| Реклама |  |
| Статистика |
Онлайн всего: 11 Гостей: 11 Пользователей: 0 |
|
 | |  |
| Главная » 2014 » Февраль » 5 » Microsoft bosh direktori etib hindistonlik mutaxassis tayinlandi
11:57 Microsoft bosh direktori etib hindistonlik mutaxassis tayinlandi |
Microsoft korporatsiyasining bosh direktori Stiv Balmer o‘z o‘rnini Satya Nadellaga bo‘shatib berdi. Bu haqda kompaniyaning saytida e’lon qilingan press-relizida ma’lum qilingan. 46 yoshli, hind millatiga mansub Nadella Microsoft’ning faxriylaridan biri hisoblanadi: u mazkur kompaniyada 22 yildan buyon ishlab kelmoqda.
Shu bilan birga, Microsoft asoschisi Bill Geyts ham direktorlar kengashi raisi lavozimidan ketishini ma’lum qilgan. U endi kompaniyada yangi bosh direktorning texnik maslahatchisi sifatida faoliyatini davom ettiradi. Geytsning o‘rniga direktorlar kengashiga Jon Tompson raislik qiladi.
Satya Nadella 1967-yilda Hindistonning Haydarobod shahrida tug‘ilgan. Mangalor shahrida universitetni bitirib, injener-elektrik mutaxassisligini egallagan. Keyinchalik u AQShdagi Viskonsin-Miluoki universitetida o‘qib, magistr darajasini olgan.
Yangi bosh direktorning so‘zlariga ko‘ra, Microsoft’dek kompaniya an’analarni emas, balki innovatsiyalarni qadrlaydi. Shuningdek u korporatsiyani ulkan istiqbollar kutayotganligini, ammo ularga erishish uchun "tezroq harakatlanish” va "o‘zgarishda davom etish” lozimligini ham qo‘shimcha qildi.
Avval bosh direktorlikka nomzod sifatida bir qancha shaxslar tilga olingan edi. Ular orasida Ericsson ijrochi direktori Xans Vestberg, Nokia’ning sobiq rahbari Stiven Ilop hamda Skype’ning sobiq boshlig‘i Toni Beyts ham bor edi. Nomzodlarning dastlabki ro‘yxatida esa yuzdan ortiq kishi bo‘lgan.
Foto: trkterra.ru
Manba: Daryo.Uz
|
|
Раздел: Новости |
Просмотры: 1177 |
Добавил: Admin
| Рейтинг: 0.0/0 |
| |
|
| Интересные факты | | Не давайте в долг друзьям, лучше подарите им ту сумму. В будущем отдача будет больше. |
|
