Россия Федерацияси ҳукумати раиси ўринбосари Дмитрий Козак етакчилигида 13 декабр куни Тошкентга сафар қилган Россия делегациясининг¸ куннинг иккинчи ярмида Ўзбекистон Президенти Ислом Каримов билан учрашиши белгиланган. Ушбу учрашувларни билвосита кузатаётган тошкентлик мустақил журналист ва Uzmetronom интернет газетаси муҳаррири Сергей Ежковнинг айтишича, Ўзбекистон- Россия ҳукуматларо комиссиялари ўртасида бўлаётган музокаралардаги муҳим масалалардан бири айнан МТСнинг Ўзбекистондаги филиали "Ўздунробита" ширкати фаолиятини қайта тиклашдир.