 Ucell мобил оператори янги - "Чексиз Интернет” хизматини ишга туширилгани ҳақида хабар берди. Ушбу хизмат тури абонентларга сарф қилинган трафик устида бош қотирмай мобил интернетдан эркин фойдаланиш имконини беради.
Қанча мегабайт? Қайси тариф арзонроқ? Бир кунда менга қанча трафик керак булади? Энди бу саволларга жавоб излаш шарт эмас! "Чексиз Интернет” хизмати ёрдамида Ucell абонентлари трафик нархи тўғрисида қайғурмай ижтимоий тармоқларда мулоқот қилишлари, электрон мактубларни ўқишлари, он-лайн трансляцияларни томоша қилишлари, мусиқа тинглашлари, аудио-, видео-клипларни ёзиб олишлари мумкин.
"Чексиз Интернет” хизматинига уланиб, Ucell абонентлари чексиз он-лайн режимидан исталган хажмдаги трафикдан фойдаланишлари мумкин. Мобил интернет бу келажак талаби, шунинг учун биз бу йўналишга алоҳида эътибор қаратмоқдамиз: 3G учинчи авлод технологияларини ривожлантиришга инвестициялар ажратиб, абонентларимизга ахборот етказишнинг энг илғор технологияларини тавсия этмоқдамиз”, - деб изоҳлайди Ucell Маркетинг Департаменти Директори Хикматилла Насритдинхўжаев.
Хизматга уланган кундан бошлаб, "Чексиз Интернет” хизмати ҳар 30 кунда автоматик тарзда тайинланади ва ушбу хизматдан Ucell олд тўлов (Prepaid) тизими абонентлари фойдаланишлари мумкин. |
