Главная » 2013»Апрель»24 » “Bavariya” “Barselona”ni tor-mor keltirdi — 4:0(video)
17:47
“Bavariya” “Barselona”ni tor-mor keltirdi — 4:0(video)
Kecha Yevropa Chempionlar ligasida birinchi yarim final uchrashuvlari o‘tkazildi. Germaniya chempionligini qo‘lga kiritib bo‘lgan "Bavariya” o‘z maydonida "Barselona”ni qabul qilib yirik — 4:0 hisobida g‘alaba qozondi.
foto: sports.ru
Uchrashuv mezbonlarning ustunligi ostida boshlandi. Ular maydonning har bir qarich yeri uchun keskin kurash olib borishdi. Ispaniyaliklar yetakchisi, so‘nggi yillarda jahonning eng yaxshi futbolchisi sifatida e’tirof etilayotgan Lionel Messiga umuman o‘yin berishmadi.
Bellashuvning 25-daqiqasida 25-raqamda to‘p surayotgan Tomas Myuller hisobni ochdi. Ikkinchi bo‘lim boshida, ya’ni 49-daqiqada Mario Gomes hisobni 2:0 ga yetkazdi. Alohida qayd etish lozim, bu vaziyatda germaniyalik futbolchi o‘yindan tashqari holatda turgandi.
73-daqiqaga kelib Robben hisobni 3:0 ko‘rinishga keltirib qo‘ydi. Bu bilan qoniqmagan Myuller 82-daqiqada o‘zining dublini rasmiylashtirdi va yakuniy hisob 4:0 bo‘lishini ta’minladi. Bu bilan Gemaniya klubi javob uchrashuvi oldidan katta ustunlikka ega bo‘ldi.
