AQSh Yo‘l xavfsizligi sug‘urta instituti (IIHS) ekspertlari 2013 va 2014-yillardagi Amerika bozorining eng ommabop kompaktkarlari orasida mustahkamlik testi o‘tkazishdi. Eng qizig‘i – 11 ta avtomobil ishtirok etgan ushbu tanlovda barcha sinovlarga faqat bittagina model bardosh bera oldi, u ham bo‘lsa – Chevrolet Spark! Bu haqda Autocenter.uz saytining Facebook’dagi sahifasi xabar berdi.
Xabarga ko‘ra, IIHS’ning Top Safety Pick nomli bosh sovrinini aynan Chevrolet Spark modeli olgan. AQShda ancha ommalashgan Mazda2, Kia Rio, Toyota Yaris, Ford Fiesta kabi modellar "qoniqarli” bahoga munosib ko‘rilgan. Mitsubishi Mirage, Nissan Versa, Toyota Prius C, Hyundai Accent, Fiat 500 i Honda Fit modellari bo‘lsa mustahkamlik testida "ikki” baho olishgan — ular sinovlardan o‘ta olishmagan.
Garchi kishilarning munosabati turlicha bo‘lsa-da, Yo‘l xavfsizligi sug‘urta instituti saytida suratlari bilan berilgan ma’lumot haqiqatni namoyon etib turibdi – Chevrolet Spark eng mustahkami!
Foto: iihs.org Daryo.Uz
Manba: Daryo.Uz
|
