UzDaily.uz xabar berishicha, O‘zbekiston Oliy va o‘rta-maxsus ta’lim vazirligi tavsiyasi bilan Rossiya Federatsiyasi oliy ta’lim dargohlariga o‘qishga kirgan talabalar, o‘qishni tamomlagach, O‘zbekistonda ishlab berish kerak.

Vazirlik saytida yozilishicha, RFda ta’lim olish istagida bo‘lgan fuqarolar, grant olganlar, grant beruvchilar hamda ota-onalar u yerda o‘qish uchun yo‘llanma olishdan avval, Oliy va o‘rta-maxsus ta’lim Vazirligi bilan shartnoma imzolashlari zarur.

Mazkur shartnomaning "Majburiyat” nomli muhim qismida grant olganlar va ota-onalar kafillik xati imzolaydi.

Uch tomonlama shartnomaning asosiy sharti talabaning o‘qishni tugatgach, uch yil davomida O‘zbekistonda ishlab berish majburiyatidir.

Grant oluvchi shartnoma majburiyatida shartnomaning barcha talablariga amal qilishi haqida tilxat beradi. Vakillar-ota-onalar kafillik xatini izmolagach, agar grant oluvchi o‘z majburiyatlarini bajarmagan taqdirda, barcha sarf-xarajatlarni to‘lash majburiyatini bo‘yniga oladi.

Vazirlik saytida keltirilgan ma’lumotga ko‘ra, bu yil 89 nafar O‘zbekiston fuqarolari Rossiya Federatsiyasi oliy ta‘lim dargohlariga o‘qishga kirgan.

Foto: www.mail.ru

Manba: Дарё