Чоршанба 31 июл куни соат 16:00да Тошкентнинг Мирзо Улуғбек туманида 13-маршрут бўйлаб ҳаракатланаётган Vario русумли трамвай изидан чиқиб кетди.
"Газета.уз"нинг хабар беришича, изидан чиқиб кетган трамвай вагони рельслар орасида жойлашган бетон устунга бориб урилган, лекин жиддий шикастланмаган. Ҳалокат туфайли ҳеч кимнинг жабрланмагани айтилмоқда.
Воқеага жойига етиб келган қутқарув хизмати соат 18:30га бориб трамвайни изига қўйди ва вагон авария жойидан олиб кетилди.
Бу вақтда ушбу йўналишда трамвай ҳаракати вақтинча тўхтатиб турилди.
Фото: gazeta.uz
Manba: Даракчи
