AQShning Massachusets shtati Brokston shahrida yashovchi 18 yoshli yigit o‘z oila a’zolariga pichoq bilan hujum qildi. Bunga Rojdestvo uchun o‘zi kutgan sovg‘ani olmagani sabab bo‘ldi. Bu haqda TJournal ma’lum qildi. Aleksandr Torres ismli ushbu yigitcha ota-onasidan Rojdestvoga iPhone sovg‘a qilishlarini ko‘p bora so‘ragan edi. Biroq unga iPhone sovg‘a qilishmagach, "adolatsizlikka chek qo‘yish” maqsadida, u buklama pichog‘ini olib, avval o‘z otasini, so‘ng oilaning boshqa a’zolarini ham qo‘rqita boshladi.
O‘spirinni tinchlantira olishmagach, ota-ona politsiyani chaqirishga majbur bo‘ldi. Ular kelgunga qadar Aleksandr o‘z akasini yaralashga va otasining avtomobiliga zarar yetkazishga ulgurdi.
Yigitchaga sovuq qurol yordamida hujum qilish va avtomashinaga ataylab zarar yetkazish ayblovlari qo‘yildi. Foto: tjournal.ru Manba: Daryo nashr
| 
