Ispaniyaning Kadis viloyatidagi Setenil de las Bodegas deb nomalnuvchi
shahar bugungi kunda sayyohlarni o’ziga jalb qiluvchi maskanlardan
biriga aylangan.
Xo‘sh, ushbu shaharning qaysi xususiyati sayyohlarning e’tiborini qozona oldi ekan?
Aholisi 3000 kishidan tashkil topgan Setenil de las Bodegas shahri
Ispaniyadagi Rio Trejo deb nomlangan daryo sohilidagi tog‘ daralarida
joylashgan. Uning o‘ziga xos xususiyati bir paytlar daryo yuvib hosil
qilgan daralarda aholi tomonidan uylar qurilib, yashab kelinayotgani
deyish mumkin. Suratlarga e’tibor bersangiz, barcha uylar xavfsizlik
nuqtai nazaridan o‘ta xavfli joyda, ya’ni qoyalar yonida yoki ulaning
tagida qurilgan. Ushbu hududda 15 asrdan buyon aholi istiqomat qiladi va
ba’zi uylar mana shu asrlarda bunyod etilgan. 
Shahar aholisi asosan olivya yog’i, asal, murabbo yetishtirish va
sotish orqali hayot kechiradi. Aytishlariga qaraganda, ushbu hududdagi
restoran va oshxonlarda tayyorlanadigan taomlar ham mazasi jihatidan
Ispaniyadagi eng zo‘r restoranlar bilan bahslasha olar ekan. Quyida
sizga Setenil de las Bodegasdagi uylarning suratlarini taqdim etamiz.
Xo’sh, siz ham shunday uylarda yashashni istaysizmi? 
Manba: www.daryo.uz
| 
