Dunyoning eng bo‘yi uzun odami — turkiyalik Sulton Kyosen uylandi. Bu haqda "RIA Novosti” agentligi xabar berdi.
To‘y Suriya chegarasidagi Mardin viloyatida bo‘lib o‘tdi. Kelin – Merve Dibo, asli suriyalik bo‘lib, Sultonning tirsagiga arang yetadi.
Sultonning bo‘yi 2 metr 51 santimetrdir. U 10 yoshga to‘lganda, shifokorlar unda miya ostida o‘simta aniqlashgan. Bu uni gigantizmga (organizmning nonormal kattalashuvi) olib kelgan. 2008-yilda shifokorlar o‘simtani olib tashladi va Sulton o‘sishdan to‘xtadi. Uning kafti 27,5 santimetr bo‘lib, tovoni esa 36,5 santimetrdir.
2009-yilda dunyodagi eng baland bo‘yli odam sifatida Ginnes rekordlar kitobiga kiritilgan Sulton Kyosen, shu yili kelin izlashni boshlagan edi. Mana, 4 yil deganda kelin ham topildi.
|
