ЖЧ-2014 4-саралаш босқичи 7-туридан ўрин олган Ўзбекистон ҳамда Ливан миллий терма жамоалари ўртасидаги учрашув чипталари сотуви тўхтатилди.

Ўзбекистон ҳамда Ливан миллий терма жамоалари ўртасидаги учрашув учун чиқарилган чипталар сотуви расман тўхтатилди. ЎФФ терма жамоалар маркази берган маълумотга кўра, сотувга чиқарилган чипталарнинг барчаси сотиб бўлинган. Маълумот ўрнида, Ўзбекистон - Ливан учрашуви чипталари расман 18 март куни сотувга чиқарилган ва шу куни чипталарнинг 6000 донаси сотилганлиги ҳақида ЎФФ ТЖМ директори Асқар Толибжонов маълумот берган эди.

Мамлакатимиз бўйлаб Наврўз байрами нишонлангани муносабати билан Ўзбекистон – Ливан учрашуви чипталари сотуви вақтинчалик тўхтатилган ва 22 март куни яна давом эттирилган эди. 23 март куни эса, ушбу ўйин учун чиқарилган чипталарнинг барчаси сотиб бўлинди.

Эслатиб ўтамиз, Ўзбекистон ҳамда Ливан терма жамоалари ўртасидаги учрашув 26 март куни «Бунёдкор» стадионида бўлиб ўтади. Учрашув соат 18:00да бошланади.

Манба: Uff.uz